كوردن بلو

هندق صدور الفراخ كويس لحد ماتبقي سميكه بس مش اوي عشان متبقاش رقيقه اوي او ممكن تجيبيها من عند بتاع الفراخ انك عاوزه صدور فراخ للكوردن بلو

‎في بولة هتحطي الزبادي مع بهارات الفراخ، الزعتر، الثوم المفروم، الملح، الفلفل، الخل، وعصير الليمون، وحطي الفراخ فيها وسيبيها نص ساعه في التلاجة.

‎طلعي الفراخ من التتبيلة، ونشفيها شوية من أي سوائل زيادة

بعد كده ‎افردي كل قطعة فراخ، وحطي عليها شريحة جبنة، وفوقها الروزبيف أو التركي، ولفيها كويس واثبتيها بخلة أسنان

‎غلفيها بالدقيق بعدين في البيض، وأخيرًا في البقسماط، واضغطي عليها كويس

هندخلها بقي التلاجه حوالي من نص ساعه لساعه عشان تكون متماسكه

هنجيب بقي في طاسه يكون زيت غزير ونكون طلعناها من التلاجه وننزل بيها واحده واحده ف الزيت ونطلعها اول مايكون لونها دهبي علي منديل مطبخ

وممكن تتقدم وهي صوابع او ممكن تتقدم وهي متقطعه جنب او صوص انتي عملاه وبس كده بألف هنا ❤️