- وقت التحضير30 minutes
- وقت الطبخ45-50 minutes
- تكفي لعدد4
- مشاهدة
مكرونه بصدور الفراخ والبشاميل ❤️
من اسهل والذ الوصفات وكمان بتبقي خفيفه علي القلب وبتبقي خطيره وهي سايحه في بعضها ❤️
المكونات
مكرونه بصدور الفراخ والبشاميل
التغذية
- القيمة اليومية
- السعرات الحراريه600-550
- بروتين40-35 جراماً
- الدهون30-25 جراماً
- الكربوهيدرات45-40 جراماً
الخطوات
اول حاجه هنسلق المكرونه ونحط عليها معلقه زيت كبيره ورشه ملح ونسبها تتسلق لمده 10 دقايق بعد كده هنصفيها ونسبها ع جنب
هنجيب صدور الفراخ ونقطعها مكعبات صغننه وننزل بيهم ف طاسه عليها زبده او زيت وتتشوح ونحط عليهم رشه ملح وفلفل اسود واول ماتستوي وتكون اتشوحت معانا نقفل عليها
نعمل بقي البشاميل هنجيب حله كبيره نحط فيها زيت وزبده لحد مايسخنوا نبدأ ننزل بالترديج بالدقيق ونقلبهم بالمضرب عشان ميكلكعش واول مالدقيق يتشرب الزبده والزيت هنبدأ ننزل باللبن ورشه ملح ونقلب فيهم ع نار هاديه لحد مايبقي قوامه كريمي خفيف وكده البشاميل جاهز معانا نطفي عليه
هنجيب صنيه بقي نحط فيها 4 معالق كبار بشاميل وندهن بيهم الصنيه بعد كده هنحط نص كميه المكرونه وعليهم صدور الفراخ اللي عملناها وهننزل بنص كميه البشاميل اللي عملناها
بعد كده هنحط باقي المكرونه وعليهم باقي البشاميل ونساويهم كلهم كده ونحط فوق الوش رشه موزاريلا او مكس جبن
يكون الفرن متسخن من قبليها والشوايا مفتوحه ع درجه حراره متوسطه وندخلها الفرن ونسبها من ربع ساعه ل نص ساعه وبس كده نطلعها وكده تكون جاهزه معانا وبألف هنا ❤️
الملخص
هنسلق المكرونه ونشوح الفراخ ونحضر البشاميل هنجيب صنيه نحط فيها المكونات بنظام يكون الفرن متسخن وندخل الصنيه تقعد من ربع ساعه لنص ساعه وبس كده بالف هنا ❤️
كوردن بلو
سلطة الرنجة بالطحينة
مراجعة الوصفة